Kumpulan “Humor Oneng”

Oneng Menelpon

Oneng : “bang, telpon kite jelek nih”
Badjuri : “emang nape?”
Oneng : “kagak bise nelpon 911 bang?”
Bajuri  : “lagak lu kayak bule’ aje, emangnye lu udah coba pencet?”
Oneng : “kagak bisa dipencet, kagak ade angka 11 (sebelas) nye.”

Oneng Kecelakaan

Oneng datang ke dokter dengan kedua telinganya luka bakar.
Dokter : Apa yang terjadi?
Oneng : Aye lagi nyeterika, tau2 telepon berdering, aye salah mengambil gagang telpon, kagak sengaje aye ngangkat seterika terus ditempelin kekuping aye.
Dokter : Wow..! Tetapi apa yang terjadi dengan telinga Anda yang satu lagi?
Oneng : Teman aye yang goblok tu.! nggak lame diye nelepon lagi.

Oneng Di Apotek

Oneng     : Mpok, aye mo beli vitamin buat anak aye.
Apoteker : Vitamin A, B atau C, bu?
Oneng     : Ape aje deh, anak aye blon ngerti hurup kok…!!

Oneng Belanja

Oneng: “ade makanan bebek, mpok?”
Mpok: “gue kagak jual ntu neng”
Oneng: “oh iye, makasih mpok”
Besoknya datang lagi…
Oneng: “ade makanan bebek, mpok?”
Mpok: “kagak jual neng…”
Oneng: “oh iye, makasih mpok”
Besoknya masih datang lagi…
Oneng: “ade makanan bebek, mpok?”
Mpok: “pan gue ude bilang 2 kali, GUE KAGAK JUAL dan gak akan pernah jual, sekali lagi lu tanya, gue paku kaki lu ke ubin…!!! “
Oneng: “galak amat, maafin aye mpok…”
Eh, besoknya gak kapok-² masih datang…
Oneng: “ade martil gak mpok?”
Mpok: “kagak jual”
Oneng: “kalo paku ade mpok?”
Mpok: “kagak”
Hening sejenak…
Oneng: “ade makanan bebek, mpok?”

Oneng Sok Tau

Badjuri pulang narik bajaj dengan wajah murung…
Oneng: “nape bang? kok mukenye kusut kayak cucian kering”
Badjuri: “abang malu neng, tadi abis diketawain ama temen-²”
Oneng: “diketawain kenape? pan bagus bisa ngibur orang”
Badjuri: “gue jawabnye salah pas ditanya paris ntu letaknye dimane?”
Oneng: “mangkenye bang, kalo naroh barang diinget baek-² letaknye”

Oneng Kehilangan Uang

Masuk rumah muka Oneng sedih, matanya berkaca-²…
Badjuri: “eh, elu nape neng? abis ngiris bawang? hehe…”
Oneng: “si abang becande mulu’, oneng lagi sedih niy”
Badjuri: “sedih kenape?”
Oneng: “duit aye ilang bang dijalan, 20 rebu”
Badjuri: “ya ela… gitu aje nangis, ude ni abang ganti”
Tangis Oneng jadi makin keras…
Badjuri: “nah lho… duitnye ude diganti, male tambah kenceng”
Oneng: “pan, kalo duit oneng kagak ilang sekarang ude jadi 40 rebu bang”

[/source]